Atyraýda balalar aýylynyń dırektory jumysynan shettetildi
Atyraý oblystyq bilim basqarmasy basshysynyń buıryǵymen otbasylyq úlgidegi «Shańyraq» balalar aýylynyń dırektory Gúlsara Botataeva atqaratyn qyzmetinen tergeý júrgizý kezinde ýaqytsha shettetilgen.
«Balalar úıi tárbıelenýshileriniń ótinishinen keıin QR Qylmystyq kodeksiniń 140-babymen («Kámeletke tolmaǵan balany tárbıeleý jónindegi mindetterdi oryndamaý») boıynsha sotqa deıingi tergeý bastaldy. Tergeý aıaqtalyp, oqıǵanyń barlyq mán-jaıy anyqtalǵannan keıin dırektordyń jumysyn jalǵastyrý týraly sheshim qabyldanady», -dep habarlady basqarmanyń baspasóz qyzmeti.
«Balalardyń quqyǵyn shekteý degen másele týyndamaýy kerek. Biz bul máselege erekshe nazar aýdaryp otyrmyz. Qazir oblystyq bilim basqarmasy janynan arnaıy komıssııa quryldy. Komıssııa quramyndaǵy psıhologtar ár balamen jeke áńgimelesip, tekserý júrgizip jatyr. Balalardyń psıhologııalyq jaǵdaıyna baǵa beriledi. Pedagogıkalyq quramnyń tárbıe jumysyna saraptama jasalady. Arnaıy komıssııanyń tekserý qorytyndysy týraly keıin habarlaımyz», -dep málim etti Jasulan Bısembıev.
Eske sala ketelik, buǵan deıin Atyraýda balalar úıindegi uryp-soǵý deregin arnaıy komıssııa tekserip jatqanyn habarlaǵan edik.
