Atyraýda balalar arasyndaǵy sýret baıqaýynyń jeńimpazdary anyqtaldy
ATYRAÝ. QazAqparat – Atyraýda balalar arasyndaǵy sýret baıqaýynyń jeńimpazdary anyqtaldy, dep habarlaıdy QazAqparat.
Atyraý oblystyq ekologııa departamenti Dúnıejúzilik qorshaǵan ortany qorǵaý kúnine oraı «Taza bolsa tabıǵat, aman bolar adamzat» taqyrybynda balalar úıiniń tárbıelenýshileri arasynda sýret baıqaýyn uıymdastyrdy.
Baıqaýǵa 42 oqýshy qatysyp, óz sýretterin usyndy.
«Sýret baıqaýyn uıymdastyrýdaǵy maqsat – balalardyń qorshaǵan ortany qorǵaýǵa janashyrlyǵyn oıatý. Osy baıqaý arqyly jas býynnyń tabıǵattyń tazalyǵyn saqtaýǵa qyzyǵýshylyǵy baryn baıqadyq»,-deıdi departament basshysy Álibek Bekmuhametov.
Baıqaý qorytyndysynda jas ereksheligine baılanysty І oryndy Erlan Rasýl, Jeksenbaı Áıgerim ıelendi.
Al, ІІ orynǵa Qazbek Ýbaıdýlla, Bekbaýlıeva Lýıza ıe boldy. Sondaı-aq, Esen Álbına men Sársenǵalıeva Jannanyń sýretteri ІІІ orynǵa laıyq dep tanyldy.
Jeńimpazdarǵa QR Ekologııa, geologııa jáne tabıǵı resýrstar mınıstri Maǵzum Myrzaǵalıevtiń gramotasy men syılyqtar tabystaldy.
Konkýrsta belsendilik tanytqan barlyq qatysýshyǵa Alǵys hat jáne yntalandyrý syılyǵy berildi.
Eske sala ketelik, buǵan deıin Atyraýdyń oqýshylary jemqorlyqty áshkerelegen sýretter salǵan edi.
