Atyraýda balaǵa zorlyq jasamaq bolǵan kúdikti ustaldy
ATYRAÝ. QazAqparat –Atyraýda kishkentaı balaǵa seksýaldyq sıpattaǵy zorlyq jasaýǵa oqtaldy degen kúdikpen mas adam ustaldy, dep habarlaıdy QazAqparat.
Oblystyq polıtsııa departamentiniń habarlaýynsha, oqıǵa 6 tamyz keshki saǵat 19:45 shamasynda bolǵan.
«Kóktem yqsham aýdanyndaǵy azyq-túlik dúkeniniń janynda alkogoldik ishimdik ishken er adam jas balaǵa seksýaldyq sıpattaǵy zorlyq-zombylyq áreketin jasaýǵa oqtalǵan. Oqıǵa týraly habar alǵan polıtsııa qyzmetkerleri kúdiktini ustady. Qazir kúdikti tergeý abaqtysyna qamaldy» -dedi baspasóz qyzmeti.
Kúdiktige qatysty QR Qylmystyq Kodeksiniń 121-babymen sotqa deıingi tergeý júrgizilýde.
