Atyraýda balaǵa qol jumsaǵan tárbıeshi sotta jaýap berdi

ATYRAÝ. QazAqparat – Atyraýda balaǵa qol jumsaǵan tárbıeshige aıyppul salyndy, dep habarlaıdy QazAqparat tilshisi.

«Atyraý qalalyq mamandandyrylǵan ákimshilik sotynda Juldyz shaǵynaýdanyndaǵy jeke balabaqshanyń tárbıeshisine qatysty is tyńdaldy. Tárbıeshige qyzdy uryp-soqty degen aıyp taǵyldy. Sot-medıtsınalyq saraptama balanyń denesi jeńil jaraqattanǵanyn kórsetti. Em alý qajet bolǵan. Tárbıeshiniń kinási vıdeobaqylaý kamerasyndaǵy jazbamen dáleldendi. Ol QR Ákimshilik kodeksiniń 73-baby 1-bóligi (Densaýlyqqa qasaqana jeńil zaqym keltirý) boıynsha kináli dep tanyldy. Oǵan 26 513 teńge kóleminde aıyppul taǵaıyndaldy», - dep habarlady ákimshilik sottyń baspasóz qyzmetinen.

Avtory A.Sokolov