Atyraýda balabaqshalarda beriletin bir rettik ystyq tamaq qymbattaıdy
Bul týraly bilim basqarmasy basshysynyń mindetin atqarýshy Aınagúl Dúısekenova óńirlik kásipkerler palatasynyń alańyndaǵy kezdesýde málim etti.
«Azyq-túlik baǵasynyń qymbattaýyna baılanysty balabaqshalarda beriletin bir rettik ystyq tamaqtyń baǵasyn kóterý týraly qaýly qabyldandy. Endi 3 jasqa deıingi balalar úshin bul soma 402 teńgeden 627 teńgege deıin, 3 jastan 7 jasqa deıingi balalar úshin 473 teńgeden 783 teńgege deıin ósedi. Mektepterdegi balalardy bir rettik ystyq tamaqpen qamtamasyz etý tarıfi jańa oqý jylynyń basynda qaıta qaralady», -deıdi Aınagúl Dúısekenova.
Óńirlik kásipkerler palatasynyń dırektory Nurlan Súıinbaevtyń málimetinshe, Atyraý oblysy – 1-4 synyp oqýshylaryn ystyq tamaqpen 100 paıyz qamtylǵany tórt óńirdiń biri. Alaıda, kúnine bir balaǵa bekitilgen somanyń mólsheri eń tómen mqlsherde qalyp otyr. Qosymsha qun salyǵynsyz eseptegende bir balaǵa kúnine 267 teńge kóleminde belgilengen. Salystyrý úshin aıttyn bolsaq, bıylǵy mamyr aıynyń sońynda Aqmola oblysynda bul kórsetkish 750 teńge, Jambyl oblysynda – 450, kórshiles Aqtóbe oblysynda 507 teńgeni qurap otry.
«Oblys kásipkerleri trapynan bul tarıftiń naryqtyq baǵaǵa sáıkestigi týraly máseleni birneshe ret kóterildi. Óıtkeni, baǵa balalardyń tamaqtaný sapasyna tikeleı áser etedi. Atyraý oblysynyń kásipkerler palatasy bul máseleni jergilikti atqarýshy organdar, depýtattar aldynda birneshe ret qozǵaǵn bolatyn. Endi birlesken jumysymyzdyń nátıjesinde oń ózgeriske qol jetkizildi», -dep túıindedi Nurlan Súıinbaev.
Eske sala ketelik, budan buryn Atyraýlyq 80-ge jýyq bala Reseıdegi pansıonatqa demalýǵa attanǵanyn jazǵan bolatynbyz.
