Atyraýda balabaqsha órtendi
ATYRAÝ. QazAqparat – Atyraýda órtengen balabaqshadan 13 bala men 3 tárbıeshi evakýatsııalandy, dep habarlaıdy QazAqparat.
Oblystyq Tótenshe jaǵdaılar deparatmenti baspasóz qyzmetiniń málimetinshe, 2 aqpanda «Nursaıa» shaǵyn aýdanyndaǵy R.Ǵabdıev kóshesinde ornalasqan 1 qabatty jekemenshik balabaqsha órtengen.
«Bul týraly habar saǵat 15:46-da tústi. Oqıǵa ornyna jedel jetken qutqarýshylar «Zeınep Amına» balabaqshasynyń tóbe jabyndysy tolyq janǵanyn anyqtady. Balabaqshadan 3-5 jac aralyǵyndaǵy 13 bala men 3 tárbıeshi evakýtsııalandy» -dep habarlady departamenttiń baspasóz qyzmeti.
Órtti sóndirýge jeke quramnyń 25 qyzmetkeri men 6 tehnıka jumyldyryldy.
Jalyn saǵat 16:15-te oqshaýlanyp, 16:23-te tolyqtaı joıyldy. Órt saldarynan balabaqshanyń 144 sharshy metr tóbe jabyndysy janyp ketti. Balabaqshadan 2 metr qashyqtyqta ornalasqan 2 qabatty kottedj úıge órttiń taralýyna jol berilmedi.
Eske sala ketelik, budan buryn Atyraýda kilem jýatyn tseh órtengen bolatyn.
