Atyraýda «Bala eńbegin qanaýǵa qarsy 12 kún» naýqany ótedi
ATYRAÝ. QazAqparat - Atyraýda «Bala eńbegin qanaýǵa qarsy 12 kún» naýqany aıasynda túnde balalardy eńbekke zańsyz tartý faktilerin anyqtaýǵa baǵyttalǵan reıdter túnde ótedi.
Bul týraly óńirlik kommýnıkatsııalar qyzmetiniń baspasóz ortalyǵynda ótken brıfıng barysynda aktsııa uıymdastyrýshylary - oblystyq bilim basqarmasy men oblystyq memlekettik eńbek ınspektsııasynyń jáne Іshki ister mınıstrliginiń ıývenaldy polıtsııa bóliminiń ókilderi málimdedi, dep habarlaıdy QazAqparat tilshisi.
Atyraýda 1 maýsym - Balalardy qorǵaý kúni halyqaralyq merekesi qarsańynda bala eńbegine qatysty 12 kúndik ulttyq aqparattyq naýqan uıymdastyrylady. Naýqandy uıymdastyrýshy oblystyq bilim basqarmasynyń málimdeýinshe, shara barysynda 12 kún ishinde túngi ýaqyttarda reıdtik jumystar júrgiziledi. Sonymen qatar, kezdesýler, dóńgelek ústelder men pikirtalas, balalar arasynda baıqaýlar ótedi.
«Reıdtik is-sharalar 1 maýsymnan bastalady. Quqyqbuzýshylyq áreketteri anyqtalǵan jaǵdaıda ákimshilik is qozǵalyp, kámelet jasyna tolmaǵan azamattarǵa 80 AEK kóleminde aıyppul salynady. Zańsyz jumysqa alǵan tarap ta jaýapqa tartylady. Sondaı-aq, naýqan barysynda balalardyń belgilengen ýaqyttan keıin ata-anasynsyz kóshede júrý jaǵdaılary tekseriletin bolady»,-deıdi Atyraý oblystyq memlekettik Eńbek ınspektsııasy baspasóz qyzmetiniń bas mamany Dına Ahmetova.
Oblystyq Іshki ister departamentiniń jergilikti polıtsııa qyzmeti ıÝvenaldy polıtsııa tobynyń aǵa ınspektory Oryngúl Kóshqalıevanyń aıtýynsha, ótken jyly oblysta zańsyz jumysqa ornalasý boıynsha 30-dan asa bala ákimshilik jaýapqa tartylyp, kámeletke tolmaǵan balalardy qyzmetke qabyldaǵan 19-dan asa mekeme basshylaryna is qozǵaldy. Bıylǵy jyly osy másele boıynsha 25-ten asa ákimshilik is qozǵalyp, 9-dan asa mekeme basshysy jaýapqa tartyldy.
Aıta ketý kerek, reıdtik naýqanmen qatar oblysta kámeletke tolmaǵan balalardy zańdy túrde eńbekke tartý boıynsha birqatar jumystar júrgizilýde. Oblystyq jumyspen qamtýdy úılestirý jáne áleýmettik baǵdarlamalar basqarmasy 14 jastan 18 jasqa deıingi stýdentterge aqyly eńbek túrlerin usynady. Eńbek etýge nıetti tulǵalar Azattyq kóshesi, 31a meken-jaıyna baryp nemese 8 (7122) 32 22 28 baılanys telefonyna habarlasyp, qoǵamdyq jumysqa qatysý týraly ótinishin bere alady.
Sonymen qatar, jazǵy demalys kezinde «Jasyl El» baǵdarlamasynda jumys jasaýǵa nıetti stýdentter jastar resýrstyq ortalyǵyna habarlasa alady.
