Atyraýda BAQ ókilderine medıtsınalyq maska men antıseptık taratyldy
ATYRAÝ. QazAqparat – Atyraýda BAQ ókilderine medıtsınalyq maska men antıseptık taratty, dep habarlaıdy QazAqparat.
Petrocouncil.kz saıtynyń negizin qalaýshy Raýshan Naızabaevanyń aıtýynsha, Atyraýdaǵy
BAQ ókilderi úshin 100 myń teńgege medıtsınalyq maska tigilip, 120 myń teńgeniń antıseptıgi jáne 23 790 teńgeni quraǵan 50 dozator satyp alynǵan. Munyń bári tótenshe jaǵdaıǵa baılanysty qurylǵan oblystyq shtabqa tapsyrylǵan.
«BAQ ókilderine arnalǵan saqtandyrý quraldaryn alýǵa kásipkerler men turǵyndar úles qosty. Olardyń bul qadamyn jýrnalısterdiń eńbegin baǵalaý dep túsindik», - deıdi Raýshan Naızabaeva.
