Atyraýda azyq-túlik jármeńkeleri kún saıyn uıymdastyrylatyn boldy
ATYRAÝ. 29 jeltoqsan. QazAqparat /Andreı Sokolov/ -Atyraý qalasynda Jańa jyl qarsańynda azyq-túlik baǵalarynyń ósýine jol bermeý úshin burynda tek demalys kúnderi ótkizilgen jármeńkelerdi kúndelikti etýge sheshim qabyldandy.
Oblys ákiminiń orynbasary Bolat Daýkenovtyń habarlaýynsha, jármeńkelerdi azyq-túlikti bıýdjetten bólingen qarajatqa «Atyraý» ÁKK-sy ótkizedi. Bir keli kartoptyń baǵasy 63 teńgeni qurady, sábiz - 65, pııaz - 63, oramjapyraq - 60, qyzylsha - 63, kilegeı maıy - 300, qaraqumyq - 220, tary jarmasy - 75, suly jarmasy - 108, ósimdik maıy - 297, on jumyrtqa - 107, kúrish - 120, makaron - 110 teńge.
«Bul basqa saýda oryndary men bazarlardaǵy saýdagerler baǵalardy ósirip jibermeýi úshin», - dep túsindirdi kúndelikti jármeńkelerdiń ótkizý sebebin B.Daýkenov.
