Atyraýda azyq-túlik qoımasynan órt shyqty
ATYRAÝ. QazAqparat – Atyraýda azyq-túlik qoımasynan órt shyqty, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń aqparatyna qarǵanda, órt keshe, 13 qarashada bolǵan.
«Órt týraly departamenttiń dıspetcherlik pýltine saǵat 15:00-de habar tústi. Atyraý qalasyndaǵy Mıasokombınatskaıa kóshesinde ornalasqan azyq-túlik saqtaıtyn sharshy metrlik qoımadan órt shyqqan. Órt sóndirýshiler oqıǵa ornyna jetkende jeke turǵan bir qabatty qoımanyń 400 sharshy metr shatyry janyp jatqany anyqtaldy. Jalyn saǵat 16:45-te oqshaýlanyp, saǵat 16:45-te sóndirildi» -dep habarlady departamenttiń baspasóz qyzmeti.
Qoımadaǵy órtti sóndirýge departamenttiń 30 qyzmetkeri men 8 tehnıkasy, «Órt sóndirýshi» AQ-nyń 3 qyzmetkeri men 1 tehnıkasy jumyldyryldy. Órttiń shyǵý sebebi anyqtalyp jatyr.
Eske sala ketelik, budan buryn Atyraýda jeke turǵyn úıde jylý qazandyǵy jarylǵanyn habarlaǵan edik.
