Atyraýda azyq-túlik dúkeni retinde tirkelgen býkmekerlik keńseler anyqtaldy
ATYRAÝ. QazAqparat - Atyraý oblysynyń Maqat aýdanynda býkmekerlik keńseler azyq-túlik dúkenderi retinde astyrtyn jumys istegen, dep habarlaıdy «QazAqparat» HAA tilshisi.
«Oblystyq ІІD uıymdasqan qylmyspen kúres basqarmasy júrgizgen reıd barysynda aýdanda zańsyz jumys istep kelgen úsh býkmekerlik keńse anyqtaldy. Onyń ıesi keńseni azyq-túlik dúkeni retinde tirkep, ashqan. Alaıda negizgi esik jabyq bolǵan, oıynhanaǵa kelýshiler ishke qupııa esik arqyly kirgen. Tekserý barysynda kassırlerden 697 myń 840 teńgeni quraıtyn túrli nomaınaldy aqsha, sondaı-aq 16 lotereıalyq oıyn termınaldary, «Crown» markaly 5 protsessor, 5 termoprınter men skaner, sondaı-aq ınternetke kirý úshin modemder tárkilendi», - dep habarlaıdy ІІD-nyń baspasóz qyzmeti. 
Atalǵan is boıynsha qylmystyq is qozǵaldy.
