Atyraýda azamattyq-quqyqtyq daýlardy sheshýdiń balamaly úlgisi týraly semınar boldy
ALMATY. Qazannyń 28-i. QazAqparat /Erlik Erjanuly/ - Búgin Atyraýda respýblıkalyq jáne jergilikti saýda-ónerkásip palatalarynyń uıymdastyrýymen "Tórelik azamattyq-quqyqtyq daýlardy sheshýdiń balamaly úlgisi retinde" dep atalatyn semınar ótti. Bul týraly QR Saýda ónerkásip palatasy taratqan habarlamada aıtylǵan.
"QR Saýda-ónerkásip palatasy bul sharaǵa erekshe mán berýde. Bizdiń mindetimiz qazaqstandyq jáne sheteldik kásipkerlerdiń qarym-qatynasyn ózgertip, tórelik sotqa (arbıtrajǵa) senýge shaqyrý. Sondaı-aq bul ınstıtýtty respýblıkada odan ary damytý. Tórelik sottardyń bolýy Qazaqstannyń quqyqtyq memleket retindegi halyqaralyq abyroıyn da ósiredi", -deıdi QR Saýda-ónerkásip palatasynyń vıtse-prezıdenti Ǵalym Amanjolov.
Onyń aıtýynsha, bul sharaǵa QR Joǵarǵy sotynyń jáne oblystyq, qalalyq sottarynyń ókilderi, QR Saýda-ónerkisip palatasy janyndaǵy Halyqaralyq tórelik jáne Aralyq (treteıskıı) sot tóraǵalarynyń orynbasarlary, zańgerler, advokattar jáne bıznes qurylymdardyń ókilderi qatysty.
