Atyraýda aıyppulyn tólemeı júrgen 160 adamnyń kóligi turaqqa qoıyldy
ATYRAÝ. QazAqparat – Atyraýda qaryzy bar 160 kólik aıyp turaǵyna qoıyldy, dep habarlaıdy QazAqparat.
«Atyraýda «Boryshker» jedel aldyn alý sharasy ótip jatyr. Oǵan 250-den astam polıtseı atsalysyp, sot oryndaýshylarmen birge jumys isteýde. Sharanyń maqsaty – ishki ister ogandary salǵan ákimshilik aıyppuldy óndirý tıimdiligin arttyrý. Tórt kún ishinde aıyppulyn tólemeı júrgen 160 adamnyń kóligi aıyp turaǵyna qoıyldy. Onyń ishinde 90-y «Avtoýragan» kesheniniń kómegimen áshkere boldy. Aıyp turaǵyndaǵy 100-den astam kólik Reseıde tirkelgen, taǵy 40 kólik – Armenııadan ákelingen», - dep málim etti oblystyq PD baspasóz qyzmeti.
Jol-kólik qozǵalysy erejesin buzǵan 700-den astam adamǵa aıyppuldy der kezinde tóleý týraly uıǵarym taratyldy. Onyń ishinde reseılik nómir taqqan 472 kólik bolsa, 214 kólik – armenııalyq, 32 kólik - qyrǵyzstandyq nómirmen júrgen.
