Atyraýda Áıteke bıge eskertkish ornatylady
ATYRAÝ. QazAqparat - Atyraýda Áıteke bıge eskertkish ornatylady. Búgin Atyraý oblysy ákimdiginde bıge arnalyp jasalǵan eskertkishtiń 10 túrli eskızi talqylandy, dep habarlaıdy QazAqparat.
Talqylaý barysynda qoǵam qaıratkerleriniń, ónertanýshylar men Áıteke bıdiń urpaqtarynyń qatysýymen músinniń úsh nusqasy tańdaldy. Qatysýshylar jobalardy merziminde aıaqtaýdyń mańyzdylyǵyn atap ótti. Sondaı-aq músinderdiń avtorlarynyń qatysýymen taǵy bir kezdesý ótkizý týraly sheshim qabyldandy.
«Memleket basshysy Nursultan Nazarbaev óziniń «Bolashaqqa baǵdar: rýhanı jańǵyrý» atty baǵdarlamalyq maqalasynda qazaq halqynyń qazirgi zaman tarıhyndaǵy rýhanı muralary týraly atap ótti. Biz qazaq halqynyń tarıhynda bılerdiń alar orny erekshe bolǵandyǵyn bilemiz. Danalyq pen kóregendiktiń arqasynda Áıteke bı bı atanyp, qurmetke ıe boldy. Táýke han, Áıteke bıdiń basshylyǵymen Jeti Jarǵynyń negizgi avtorlarynyń biri boldy. Elder arasyndaǵy dıplomatııalyq qatynastardy damytty. Biz ony ǵasyrlar boıy este saqtaýymyz kerek», - deıdi Atyraý oblysynyń Mádenıet, muraǵattar jáne qujattama basqarmasynyń basshysy Salamat Sabyr.
Jobalardy talqylaý 30 qańtarǵa deıin jalǵaspaq. Sodan keıin negizgi eskız maquldanady.
Aıta ketý kerek, osyǵyn deıin jergilikti gazet pen áleýmettik jelilerde eskertkishtiń úzdik jobalyq dızaıny boıynsha ashyq konkýrs jarııalanǵan bolatyn.
