Atyraýda áıelin qyzǵanǵan 35 jastaǵy jigit týysynyń páterine jasyryn kamera qoıǵan

ATYRAÝ. QazAqparat – Atyraýda 35 jastaǵy jigit týysynyń páterindegi jýynatyn bólmege jasyryn kamera qoıǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, bul týraly polıtsııaǵa 36 jastaǵy áıel shaǵym túsirgen.

Polıtsııaǵa 17 qazanda 36 jastaǵy áıel habarlasyp, páterindegi jýynatyn bólmeniń qabyrǵasyna jasyryn kamera ornatylǵany týraly shaǵym túsirdi.

Jeke ómirge qolsuǵýshylyq qylmysyn jasaǵan kúdikti aryzdanýshynyń kúıeý balasy bolyp shyqty.

«Aýdanda turatyn kúıeý balasynyń aıtýynsha, ápkesiniń úıine jıi qonaqqa keletin áıelin qyzǵanyp, jasyryn kamera ornatqan. Kameranyń janyna qýattaǵyshyn jalǵaǵan 35 jastaǵy kúdikti qylmysyn tolyqtaı moıyndady», -dep habarlady departamenttiń baspasóz qyzmeti.

Qazir kúdiktige qatysty QR Qylmystyq kodeksiniń 147-babynyń 3 bóligimen sotqa deıingi tergeý júrip jatyr.

Eske sala ketelik, buǵan deıin Atyraýda kólik terezesin syndyryp, 2 mln teńge urlaǵandar ustalǵanyn habarlaǵan bolatynbyz.