Atyraýda áıelden 150 myń teńge bopsalaǵan turǵyn ustaldy
ATYRAÝ. QazAqparat – Atyraýda áıelden 150 myń teńge bopsalaǵan turǵyn ustaldy, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetine súıensek, 30 jastaǵy turǵyn ózi tanymaıtyn áıelden birneshe ret aqsha talap etken.
«Polıtsııaǵa aryzdanǵan áıel er adamnyń birneshe ret qorqytyp, aqsha alǵanyn habarlady. Bastapqyda 80 myń, úsh kúnnen soń 70 myń teńge talap etip, jalpy somasy 150 myń teńgesin alyp ketken. Osy derekke baılanysty Ekstremızmge qarsy is-qımyl basqarmasynyń qyzmetkerleri kúdiktini anyqtap, ustady. Kúdikti Atyraý qalasynyń 30 jastaǵy turǵyny bolyp shyqty», - dep habarlady departamenttiń baspasóz qyzmeti.
Qazir aqsha bopsalaǵan kúdikti ýaqytsha ustaý ızolıatoryna qamaldy. Kúdiktige qatysty sotqa deıingi tergeý júrgizilýde.
Eske sala ketelik, budan buryn Atyraýda 24 jastaǵy aýyl turǵyny mektepten noýtbýk urlaǵanyn habarlaǵanbyz.
