Atyraýda áıel eki balasymen birge ýlanyp qaldy
ATYRAÝ. QazAqparat – Atyraýda 42 jastaǵy áıel eki balasymen birge kómirqyshqyl gazyna ýlanyp, oblystyq aýrýhanaǵa tústi, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń aqparatyna súıensek, oqıǵa 19 sáýirde bolǵan.
«Atyraý qalasyndaǵy «Munaıshy» shaǵyn aýdanynyń turǵyny, 1979 jyly týǵan áıel 14 jáne 12 jastaǵy balalarymen birge turǵyn úıdiń aýlasyna tazalyq júrgizgen. Olar jınalǵan qoqystardy órtegen. Sol kezde kómirqyshqyl gazyna ýlanǵan. Sonyń saldarynan úsheýi de oblystyq aýrýhanaǵa tústi» -dep habarlady departamenttiń baspasóz qyzmetinen.
Eske sala ketelik, budan buryn Atyraý oblysynda 47 adamnyń sýshıden ýlanýyna baılanysty dámhananyń jumysyn toqtatqanyn jazǵan edik.
