Atyraýda áıel 9-qabattan qulap, kóz jumdy
ATYRAÝ. QazAqparat – Atyraý qalasynda 42 jastaǵy áıel 9-qabattan qulap, mert boldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqys oqıǵa 15 mamyrda bolǵan.
«Kúndizgi saǵat 14:52 shamasynda 1979 týǵan áıel Atyraý qalasynyń «Almagúl» shaǵyn aýdanyndaǵy №9 úıdiń 9- qabatynan qulap, qaıtys bolǵan. Oqıǵa ornynan qan daqtary men tereze áıneginen qoldyń 4 saýsaq izi alyndy. Qazir atalǵan derekke qatysty QR Qylmystyq Kodeksiniń 105-baby, 1-bóligimen tergeý amaldary júrgizilýde» -dep habarlady departamenttiń baspasóz qyzmetinen.
Eske sala ketelik, budan buryn Atyraý oblysynda jol apatynan 2 adam mert bolyp, 4-eýi jaraqat alǵan bolatyn.
