Atyraýda Aıaz ata men Aqsha qar kıimindegi tótenshelikter balalardy quttyqtady
Oblystyq tótenshe jaǵdaılar departamenti baspasóz qyzmetiniń málimetinshe, arnaıy qyzmettiń mamandary búgin, 31 jeltoqsanda Aıaz ata men Aqsha qar kıimin kıip, turǵyn úı alaptaryn aralap shyqty.
«Bizdiń sala qyzmetkerleriniń negizgi mindeti – tótenshe jaǵdaıdyń aldyn alý. Qıyn jaǵdaıǵa tap bolǵan jandardy qutqarý. Sondaı-aq, oqys oqıǵalardyń aldyn alý úshin aqparattyq túsindirý jumystary júrgiziledi. Jańa jyl qarsańynda qyzmetkerlerimiz Aıaz ata men Aqsha qardyń kıimin kıip, turǵyn úı alaptaryn aralap shyqty. Olar alańda oınap júrgen balalardy jańa jylmen quttyqtap, táttiler men syılyqtar tabys etti», -dep habarlady departamenttiń baspasóz qyzmeti.
Eske sala ketelik, buǵan deıin atyraýlyq qutqarýshylar dosyn ajaldan qutqarǵan jigitke alǵys bildirgenin jazǵan bolatynbyz.
