Atyraýda aıaldamanyń shyny qorshaýyn syndyrǵan buzaqy izdestirilýde
Atyraý qalalyq ákimdiginiń baspasóz qyzmetinen málim etkendeı, buzaqylyq áreketi 24 qarashaǵa qaraǵan túnde bolǵan.
«Shahardyń «Avangard-2» shaǵyn aýdanynda belgisiz adam vandalızm men buzaqylyq áreketin jasady. Tártip buzýshy aıaldama pavılonynyń shyny qorshaýyn syndyrǵan. Qazir Atyraý qalalyq polıtsııa basqarmasynda oqıǵa ornynan túsirilgen vıdeo bar. Polıtsııa qyzmetkerleri buzaqylyq pen múliktiń búliný deregine tekserý júrgizedi» -dep habarlady ákimdiktiń baspasóz qyzmeti.
Ákimdik qala turǵyndary men qonaqtarynan aıaldamalardy maqsatsyz paıdalaný deregi anyqtalǵan jaǵdaıda 102 nómiri arqyly jedel basqarý ortalyǵyna habarlaýdy surap otyr. Sondaı-aq, qoǵamdyq kólik aıaldamalaryna jáne qala aýmaǵyndaǵy barlyq múlikke uqypty qaraýdy eskertti.
Eske sala ketelik, budan buryn Atyraýda meırmahana aldynda tóbeleskender izdestirilip jatqanyn jazǵan edik.