Atyraýda aıaldamany búldirgen jasóspirimder ustaldy
Budan buryn Instagram paraqshasynda eki jasóspirimniń Atyraý qalasyndaǵy aıaldamanyń biriniń qabyrǵasyna jazý jazyp, búldirgeni týraly vıdeo jarııalanǵan bolatyn.
Jasóspirimderdiń bul áreketi jeli qoldanýshylarynyń yzasyn týdyrǵan.
«Atyraý qalalyq polıtsııa basqarmasynyń qyzmetkerleri izdestirý is-sharasyn júrgizip, qoǵamdyq oryndy búldirgen 15-16 jastaǵy eki jasóspirimdi anyqtady. Jasóspirimderdiń aıtýynsha, 12 qarashada avtobýsty kútý úshin aıaldama ishine kirip, qabyrǵaǵa Instagram akkaýnttaryn jazǵan. Polıtseıler jasóspirimderdiń ata-analaryn shaqyryp, QR Ákimshilik quqyqbuzýshylyq týraly Kodeksiniń 448-babymen (On alty jasqa deıingi kámeletke tolmaǵandar jasaǵan vandalızm, ıaǵnı, memleket qorǵaıtyn ǵımarattardy, ózge de qurylystardy, jazýlarmen nemese sýrettermen qorlaýy sol sııaqty ózge de qoǵamdyq oryndarda múlikti qasaqana búldirýi) ákimshilik hattama toltyrdy. Jınaqtalǵan is-qujattary oblystyq kámeletke tolmaǵandar isteri jónindegi mamandandyrylǵan aýdanaralyq sotyna joldandy» -dep habarlady departamenttiń baspasóz qyzmeti.
Sondaı-aq, osyndaı teris árekettiń aldyn alý úshin Atyraý Bıznes jáne quqyq kolledjiniń stýdentterine profılaktıkalyq túsindirý jumystary júrgizilgen.
Eske sala ketelik, buǵan deıin Atyraýda kolledjde oqıtyn úsh qyz tóbelesip qalǵanyn habarlaǵan edik.
