Atyraýda aıaqtalmaǵan tý tuǵyrynyń bir bóligi qatty jelden qulap qaldy
ATYRAÝ. QazAqparat- Atyraýda aıaqtalmaǵan tý tuǵyrynyń bir bóligi qatty jelden qulap qaldy. Zardap shekkender joq, kazirgi ýaqytta komıssııa oqıǵanyń sebepterin anyqtaýda dep habarlaıdy QazAqparat tilshisi.
«Kastador» JShS merdigerlik mekemesiniń dırektory Aıdyn Almuhametovtyń aıtýynsha, oqıǵanyń sebepteriniń biri konstrýktsııanyń dánekerlenip jalǵanǵan bóliginen bolýy múmkin.
«Tý tuǵyry konstrýktsııasy 8 bólimnen turady, ár bóligi bekitilgen, aldyn-ala tekserý nátıjesinde belgili bolǵany dánekerleý ornynan úzilgendigin kórsetti. Tý tuǵyr konstrýktsııasy Túrkııada jasalǵandyqtan, jetkizýshi bizge dánekerlengen daıyn ónimdi jiberdi, biz bul óndiristik aqaý dep sanaımyz», - dedi Aıdyn Almuhametov.
Qazirgi ýaqytta oblystyq ákimdik oqıǵanyń neden bolǵanyn tergeýge kirisip ketti.
«Oqıǵany tergeý úshin vedomstvoaralyq komıssııa quryldy, sebep neden bolǵanyn anyqtaıdy. Nysannyń tapsyrys berýshisi »Teńizshevroıl« JShS jáne osy mekemeniń qarjysyna salynýda, qurylys aıaqtalmady, nysan teńgerimge qabyldanbady. Tergeý aıaqtalǵannan keıin jaýaptylarǵa qatysty sharalar qoldanylady. Bir de bir adam zardap shekken joq, jabdyqtar men qurylys nysandary da zardap shekken joq. Merdiger mekeme qalpyna keltirý jumystaryn óz qarajaty esebinen júrgizedi», - dedi Atyraý oblysy qurylys basqarmasynyń basshysy Málik Amanov.
