Atyraýda aıaqtalmaǵan monsha shyǵarmashylyq ortalyqqa aınalady
ATYRAÝ. QazAqparat - Qazirgi tańda nysannyń jobalyq-smetalyq qujattamasy ázirlenýde, dep habarlaıdy QazAqparat óńirlik kommýnıkatsııalar qyzmetine silteme jasap.
Bul týraly aımaq basshysy Nurlan Noǵaev turǵyndar aldynda esep berý jıynynda málimdedi. 
«Búginde biz áýejaı boıynda ornalasqan aıaqtalmaǵan monshaǵa taǵy eki qabatty qosýdy josparlap otyrmyz. Qalada shyǵarmashylyq ortalyq ashý kerek», - dedi Nurlan Noǵaev.
Atyraý oblysynyń ákimi atap ótkendeı, kásipkerlerdiń biri mekemeniń qurylysyna kelisimin berdi. Jańa shyǵarmashylyq ortalyǵynda túrli mamandyqtar - sýretshiler, sáýletshiler, aqyndar, músinshiler, qolónershiler jáne basqa da adamdar jumys jasaıtyn bolady. Munda eresekter men balalar ónerge úıretiledi.
Sondaı-aq, óńir basshysy atalmysh nysannyń janynda ornalasqan kınokontsert zalynyń da qurylysy aıaqtalyp, onyń mártebesi óz qalpynda qalatynyn aıtty.
