Atyraýda avtokólik joldaryn jańbyr sýy basty
ATYRAÝ. QazAqparat – Atyraýda avtokólik joldaryn jańbyr sýy basty, dep habarlaıdy QazAqparat.
Oblystyq Tótenshe jaǵdaılar departamentiniń baspasóz qyzmetinen málim etkendeı, 10 naýryzda tolassyz jaýǵan jańbyr sýynyń deńgeıi 25-30 sm-ge jetken.
«Atyraý qalasynyń aýmaǵynda jaýyn-shashynnyń kóp jaýýynan jerasty sýy kóterildi. Saldarynan kóshelerdegi avtojoldardy sý basty. Soǵan baılanysty saǵat 17:05-ten bastap shahardaǵy jeke turǵyn úı aınalasynan sý sorý jumystaryn júrgizdi. Avarııalyq-qutqarý jumystaryna tótenshe jaǵdaılar departamenti (4 qyzmetker, 1 motopompa) men «Spetsavtobaza» JShS (2 qyzmetker, 1 tehnıka) jumyldyryldy.
Saǵat 19:25-ke deıin 1,5 tekshe metr sý soryldy», - dep habarlady departamenttiń baspasóz qyzmeti.
