Atyraýda avtoeriktiler 160 otbasyna azyq-túlik sebetin jetkizip berdi
Oblystyq ishki saıasat basqarmasyna qarasty Azamattyq ortalyq janynan qurylǵan eriktiler shtabynyń bir baǵyty – avtokólikpen azyq-túlik jáne dári-dármekter tasymaldaý. Budan 10 kún buryn qurylǵan avtoeriktiler quramynda 150 múshe bar. Qazir olardyń kópshiligi jalǵyzbasty qarııalarǵa, múmkindigi shekteýli jandar men kópbalaly otbasylarǵa azyq-túlik sebetin jetkizýmen aınalysýda.
«Osy kezge deıin avtoeriktiler 164 otbasyna qajetti azyq-túlikterdi jetkizip berdi. Endi biz azyq-túlik sebetin taǵy 100 muqtaj adamǵa jetkizemiz. Jergilikti kásipker áıelderdiń biri qajetti taýarlardyń jıyntyǵyn alyp bermek», - dedi Azamattyq ortalyqtyń jetekshisi Áıgerim Dosqalıeva.
Onyń málim etýinshe, muqtaj jandardyń tizimi 109 senim telefonyna túsken, azamattardyń ózderi jazǵan ótinishterge, sondaı-aq, «Júrekten Júrekke» qaıyrymdylyq qorynyń bazasyndaǵy málimetterge baılanysty túziledi. Qajetti azyq-túlikterdi satyp alýǵa jergilikti kásiporyndar men kásipkerler kómektesýde.
