Atyraýda avtobýstardy dezınfektsııalaý bastaldy

ATYRAÝ. QazAqparat - Atyraýda jolaýshy tasymaldaıtyn avtobýstardy dezınfektsııalaý bastaldy, dep habarlaıdy QazAqparat. Bul týraly Atyraý qalalyq ákimdiginiń baspasóz qyzmeti habarlady.

«Qazir Atyraý qalasynda jolaýshy tasymalymen 8 kásiporyn aınalysady. Olar kún saıyn jolaýshy tasymaldaý úshin 26 marshrýtqa 160-tan astam avtobýs shyǵarady» -dep habarlady Atyraý qalalyq ákimdiginiń baspasó qyzmetinen.

Avtobýstarǵa sońǵy aıaldamalarda dezınfektsııalaý júrgizilýde. Kondýktorlar avtobýs salonyna sanıtarlyq tazalaý sharasyn júrgizip, arnaıy suıyqtyqpen óńdeıdi.

«Parkten shyǵarda avtobýs salonyn hlor eritindisimen, jolaýshylar otyratyn oryndyqtar men tutqalardy súrtemiz. Bizdiń marshrýt Balyqshy shaǵyn aýdany - Temirjol vokzaly aralyǵynda qatynaıdy. Ár reısten soń eki aıaldamada avtobýs salonyna dezınfektsııa jasaýdamyz», - dedi №2-marshrýtta qatynaıtyn avtobýstyń kondýktory Aıgúl Janǵalıeva.