Atyraýda avtobýs júrgizýshileri eki kúnde 199 ret ereje buzǵan

ATYRAÝ. QazAqparat – Atyraýda eki kúnde avtobýs júrgizýshileri tarapynan jolda júrý erejesin 199 ret buzǵan, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, 7 maýsymnan beri «Avtobýs» is-sharasy ótip jatyr.

«Bul is-sharanyń maqsaty – oblys aýmaǵynda jolaýshylar kóligi júrgizýshileriniń tarapynan jol qozǵalysy erejelerin buzýdy anyqtaý. Óıtkeni, jolda júrý erejesin saqtamaı, jolaýshylardyń ómirine qaýip tóndiretin júrgizýshiler bar», - deıdi oblystyq Polıtsııa departamentiniń bastyǵy, polıtsııa polkovnıgi Qamza Úmbetqalıev.

Polıtsııa qyzmetkerleri eki kúnde 299 buzýshylyqty tirkegen. Onyń ishinde jolaýshylardy, bagajdy jáne júkterdi tasymaldaý qaǵıdalaryn, manevr jasaý erejelerin buzý, tıisti ruqsatsyz qaıta jabdyqtaý, tehnıkalyq baıqaýdan ótpeý, rýlde telefondy nemese radıostantsııany paıdalaný, jyldamdyqty arttyrý tártibin buzý anyqtalǵan. Úsh avtobýs aıyp turaǵyna qoıylyp, ákimshilik hattamalar toltyrylǵan.

Eske sala ketelik, budan buryn Atyraýda avtobýs júrgizýshileri bir kúnde 170 ret ereje buzǵanyn habarlaǵan bolatynbyz.