Atyraýda avtobýs júrgizýshiler men jolserikterdiń jalaqysy eki esege ósti
ATYRAÝ. QazAqparat - Atyraýda avtobýs júrgizýshiler men jolseriktertiń jalaqysy eki esege ósti. Bul týraly «Smart-Atyraý» KMM basshysy Ádilbek Tankıev málim etti, dep xabarlaıdy QazAqparat qalalyq ákimdiktiń baspasóz qyzmetine silteme jasap.
Ádilbek Tankıevtiń aıtýynsha, qarasha aıynan bastap qoǵamdyq kólik júrgizýshileri 110 myń teńgeniń ornyna 300 myń teńge jalaqy alatyn bolady, jolserikter jalaqysy 45 myń teńgeden 85 myń teńgege ósken.
«Bul sharalar qoǵamdyq kólikterde jolaqy tóleýdiń elektrondy júıesi tıimdi engizilgendikten qolǵa alyndy. Osy arqyly jolaýshylardyń qozǵalysyn basqarý, tasymaldaýshy mekemeler kiristeriniń ashyqtyǵy, sondaı-aq bıýdjetke salyq túsimderin arttyrý kózdelip otyr. Jalaqy barlyq tasymaldaýshy mekemelerdiń emes, tek sanaýly mekemelerdiń júrgizýshileri men jolserikterinde ǵana ǵana ósti»,- dedi Ádilbek Tankıev.
Aıta keteıik, qazirgi tańda elektrondy bılet júıesi 6 avtobýsqa engizildi - №2, 4, 5, 10, 12, 14. №1 jáne 20 baǵdardaǵy avtobýstarda júıe 1-2 kúnde iske qosylady. Jolaqy tóleý kartasy qaladaǵy iri saýda oryndarynda ornalasqan 11 núktede satylady. Sonymen qatar, jalaqyny 7 tólem júıesi arqyly tóleýge bolady.
«Biz kólik júrgizý sanaty sáıkes keletin júrgizýshilerdi kelisimshartqa otyrýǵa shaqyramyz»,- dep tolyqtyrdy Ádilbek Tankıev.
