Atyraýda avtobýs pen jeńil kólik soqtyǵysyp, eki adam aýrýhanaǵa jetkizildi
Jol-kólik oqıǵasy búgin, 13 qarashada jergilikti ýaqytpen 15:00 shamasynda bolǵan.
«Atyraý qalasynda jolaýshy tasymaldaıtyn qoǵamdyq avtokóliktiń 1969 jylǵy júrgizýshisi ekinshi deńgeıli jolaqta kele jatyp, VAZ – 2141 markaly jeńil kólikke jol bermegen. Saldarynan jolaýshy alyp kele jatqan avtobýs pen jeńil kólik soqtyǵysty. Soqqynyń ekpinimen qoǵamdyq kólik elektr baǵanasyna soǵyldy. Al, VAZ – 2114 kóliginiń 24 jastaǵy júrgizýshisi men 1 jolaýshysy ártúrli dene jaraqatyn aldy. Jol-kólik oqıǵasynan zardap shekken eki adam jedel járdem brıgadasynyń kóligimen oblystyq aýrýhanaǵa jetkizildi», -dep habarlady departamenttiń baspasóz qyzmeti.
Qazir polıtsııa qyzmetkerleri atalǵan jol-kólik oqıǵasyna qatysty tıisti is qujattaryn jınaqtap, tergeý amaldaryn júrgizip jatyr.
Eske sala ketelik, budan buryn Atyraýda jyl basynan beri jol apatynan 78 adam mert bolǵanyn habarlaǵan edik.
Departamenttiń baspasóz qyzmetinen málim etkendeı, bıylǵy 10 aıda 286 jol-kólik oqıǵasy tirkelgen. Jol-kólik oqıǵalarynyń saldarynan 78 adam kóz jumǵan. Al, 340 adam ártúrli dene jaraqatyn alǵan.
«Ótken jylmen salystyrǵanda jol-kólik oqıǵasy 17, adam ólimi 36, dene jaraqatyn alǵandar sany 18%-ǵa ósken. Osy kezeńde jasóspirimderdiń quralyn basqarýynyń saldarynan bolǵan 6 jol apaty tirkelip otyr. Jol apatynan 1 jasóspirim qaza taýyp, 9-y zardap shekti», -dep málim etti baspasóz qyzmetinen.