Atyraýda avtobýs qaqqan jaıaý júrginshi mert boldy

ATYRAÝ. QazAqparat – Atyraý qalasynda qoǵamdyq kólik qaqqan jaıaý júrginshi oqıǵa ornynda mert boldy, dep habarlaıdy QazAqparat tilshisi.

Jol-kólik oqıǵasy 17 qarashada jergilikti ýaqytpen saǵat 21:00 shamasynda bolǵan.

«Atyraý qalasynan Inder aýdany baǵytyna salynǵan kúre joldyń boıynda ornalasqan «Kóktem» shaǵynaýdanyna qatynap júrgen Youtong markaly qoǵamdyq kólik jaıaý júrginshini qaǵyp ketken. Jaıaý júrginshi atalǵan shaǵynaýdannyń №27 kóshesindegi joldyń belgilenbegen tusynan ótip bara jatqan. Apattan 1988 jylǵy jaıaý júrginshi oqıǵa orynda mert boldy. Al, qoǵamdyq kóliktiń rýlinde 37 jastaǵy júrgizýshiniń bolǵany anyqtaldy», -dep habarlady departamenttiń baspasóz qyzmeti.

Qazir polıtsııa qyzmetkerleri atalǵan jol-kólik oqıǵasyna baılanysty tıisti is qujattary jınalyp jatyr.

Eske sala ketelik, budan buryn Atyraý oblysynda jyl basynan beri jol apatynan 78 adam mert bolǵanyn habarlaǵan edik.

Jol apatynan 340 adam ártúrli dene jaraqatyn alǵan. Ótken jylmen salystyrǵanda jol-kólik oqıǵasy 17, adam ólimi 36, dene jaraqatyn alǵandar sany 18%-ǵa ósken.

Sondaı-aq, ata-anasynyń ruqsatynsyz kólik júrgizgen jasóspirimderdiń kesirinen 6 jol apaty bolǵan. Jol apatynan 1 jasóspirim qaza taýyp, 9-y zardap shekken.