Atyraýda aýyzsýdyń baǵasy arzandady
ATYRAÝ. QazAqparat -Atyraý qalasynda 1 tamyzdan bastap aýyzsý baǵasy 3 paıyzǵa arzandady. Atalǵan tarıf bir jyl boıy qoldanysta bolady, dep habarlaıdy QazAqparat tilshisi.
"2017 jyldyń qorytyndysyna sáıkes, qalany aýyz sýmen qamtyp otyrǵan «Atyraý sý arnasy» zańsyz áreketter negizinde 139 mln teńge kiristi ıelengeni anyqtaldy. Bul tarıftik smetanyń 5 paıyzyn quraıdy",- delingen Atyraý oblysy boıynsha Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý departamentiniń habarlamasynda.
Departamenttiń málimetinshe, 1 tamyzdan bastap zańsyz alynǵan qarajatty tutynýshylarǵa qaıtarý úshin bir jyl merzimine ýaqytsha ótemaqy tarıfi engizildi. Halyqqa arnalǵan sý tarıfi 101,33 teńgeden 1 tekshe metrge 97,5 teńgege deıin tómendetildi. Basqa tutynýshylar úshin - 316,72 teńgeden 307,69 teńgege deıin.
