Atyraýda aýyr júk kólikteri tekserilýde
ATYRAÝ. QazAqparat –Atyraýda «Aýyr júk kóligi» jedel-profılaktıkalyq sharasy ótýde, dep habarlaıdy QazAqparat.
«11-13 naýryz aralyǵynda ótip jatqan atalmysh is-sharanyń alǵashqy kúni polıtsııa qyzmetkerleri júk kóligi júrgizýshilerine qatysty 47 ákimshilik hattama toltyrdy. Anyqtalǵan quqyqbuzýshylyqtar qatarynda kólikti mindetti tehnıkalyq tekserýden ótkizbeý, manevr jasaý qaǵıdalaryn buzý, uıaly telefonmen sóılesý, aqaýy bar kólik quralyn basqarý, jol belgileri talaptaryn saqtamaý, syrtqy jaryq túsirý aspaptaryn qoldaný qaǵıdalaryn buzý, kólikti qujatsyz basqarý bar. Sonymen birge, joldy búldirgendermen qatar, qaýipsizdik beldigin taqpaǵan 11 júrgizýshi anyqtaldy», - dep habarlady Atyraý oblystyq Polıtsııa departamentiniń baspasóz qyzmetinen.
