Atyraýda aýyldy sý tasqynynan qorǵaý úshin kólik joly jyryldy
ATYRAÝ. QazAqparat – Atyraý oblysynda aýyldy sý tasqynynan qorǵaý úshin kólik joly jyryldy, dep habarlaıdy QazAqparat.
Budan buryn Oıyl sýynyń kóterilýine baılanysty bóget salynǵanyn jazǵan edik.
«Búgin saǵat 09.00-den 15.00-ge deıin Qyzylqoǵa aýdanynyń ákimi Nursultan Bısenbıev pen Tótenshe jaǵdaılar departamenti bastyǵynyń orynbasary Asqat Erjanov Oıyl ózeniniń arnasymen Aqtóbe oblysynyń Qorǵaý aýylyna deıin qarap shyqty. Tekserý nátıjesinde ózendegi sý qorynyń óte mol ekeni anyqtalyp otyr. Ózen sýy aýdan ortalyǵy – Mııalydan Jangeldın aýylyna qatynaıtyn jolǵa tireldi. Aýyldy sý basýdan qorǵaý úshin «Mııaly-Qarabaý-Inder» avtojolyn jyrý týraly sheshim qabyldandy», -dedi departamenttiń baspasóz qyzmeti.
