Atyraýda aýyldastar arasynda týyndaǵan janjal kisi ólimine sebepshi boldy
ATYRAÝ. QazAqparat – Atyraýda atys qarýymen adam óltirgen 36 jastaǵy azamat ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, asa aýyr qylmystyq oqıǵa 9 tamyzda saǵat 03:10 shamasynda Atyraý qalasynyń mańyndaǵy Damby aýylynda bolǵan.
«Aýyldyń eki turǵyny arasynda kelispeýshilik týyndaǵan. Onyń biri atys qarýyn qoldanyp, sonyń saldarynan 2002 jyly týǵan azamat oqtan dene jaraqatyn alǵan. Keıin aýrýhanada qaıtys bolǵan. Polıtsııa qyzmetkerleri asa aýyr qylmys jasaǵan kúdiktini izin sýytpaı anyqtap, 1994 jylǵy azamat ýaqytsha ustaý ızolıatoryna qamaýǵa alyndy» -dep habarlady departamenttiń baspasóz qyzmeti.
Qazir atalǵan is boıynsha qajetti saraptamalar taǵaıyndaǵan. Sotqa deıingi tergeý QR Qylmystyq Kodeksiniń 99-babynyń 1-bóligimen (Adam óltirý) júrgizilýde.
Eske sala ketelik, buǵan deıin Atyraýda balaǵa zorlyq jasamaq bolǵan kúdikti ustalǵan edi.
