Atyraýda aýyl sharýashylyǵyna berilgen sýbsıdııalar bıýdjetke qaıtaryldy
ATYRAÝ. QazAqparat - Atyraýda aýyl sharýashylyǵyna berilgen sýbsıdııalar bıýdjetke qaıtaryldy, dep habarlaıdy «QazAqparat» HAA tilshisi.
«Ótken jyly jergilikti qus fabrıkalary ózderine tıesili sýbsıdııalaryn ala almady, oblystyq aýyl sharýashylyǵy basqarmasy sol jyldyń qorytyndysy boıynsha ıgerilmegen 800 mln. teńgeni respýblıkalyq bıýdjetke qaıtardy. Oblystaǵy qus fabrıkalarynyń sýbsıdııa alýǵa baılanysty problemasy Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńes otyrysynda qaraldy», - dedi Atyraý oblysy Kásipkerler palatasynyń baspasóz hatshysy Ásel Tuıaqpaeva.
Atyraý oblystyq Kásipkerler palatasynyń dırektory Abdolla Idresovtyń habarlaýynsha, búgingi tańda ótinim bergen 100-den astam aýyl sharýashylyǵy qyzmetkerleri sýbsıdııa alý máselesi boıynsha jaýap kútip otyr.
«Búgin biz basqa ýákiletti organdardyń qatysýymen tekserýdi bastadyq. Eger rastalatyn bolsa, barlyq kemshilikter úshin qatań zańdy baǵalaý júrgizemiz. Tekseris qorytyndysyn kútý kerek, odan keıin kásipker qalasa, sotqa júginýine bolady. Óz kezeginde biz de kásipkerge zań aıasynda qoldaý kórsetýge ázirmiz», - dedi keńes otyrysyna qatysqan Memlkettik qyzmet isteri jáne sybaılas jemqorlyqqa qarsy is-qımyl agenttigi oblystyq departamentiniń basshysy Toqtamys Jumaǵulov.
