Atyraýda aýyl ákimderiniń qyzmettik kóligi 10 jyldan beri jańarmaǵan
ATYRAÝ. QazAqparat – Atyraý oblysynyń Qyzylqoǵa aýdanyndaǵy aýyldyq okrýg ákimderiniń qyzmettik kóligi 10 jyldan beri jańarmaǵan, dep habarlaıdy QazAqparat.
Oblys ákimi baspasóz qyzmetiniń habarlaýynsha, Qyzylqoǵa aýdanynyń ákimdigi 18 avtokólik satyp alýǵa ashyq konkýrs jarııalaǵan. Sonyń ishinde árqaısysynyń quny 5 mln teńgege baǵalanǵan «Nıva» markili 10 kólik bar. «Nıva» kólikteri aýdandaǵy 10 aýyldyq okrýg ákimderine berilgeli otyr.
«Aýyldyq memlekettik qyzmetshiler úshin qyzmettik kólik 10 jyl buryn satyp alynǵan, sodan beri jańartylǵan joq. Barlyq kólik ábden tozdy. Qazir okrýg ákimderi ózderiniń jeke kólikterimen qatynap júr. Sol sebepten, 10 aýyldyq okrýg pen 5 aýdandyq bólim úshin qyzmettik avtokólik satyp alýǵa sheshim qabyldanǵanyp otyr», - dep túsindirdi oblys ákiminiń baspasóz qyzmeti.
Sondaı-aq, aýdan ákiminiń eki orynbasary úshin jol talǵamaıtyn 2 krossover kóligin satyp alý da josparlanǵan. Alaıda, keıin aýdan ákimdigi bul kólikterdi satyp alýdyń qajettigi joq degen sheshimge kelgen. Qazir ákimdik 16 qyzmettik kólik satyp alýdy uıǵarǵan.
