Atyraýda aýrýhanadaǵy órt saldarynan 109 naýqas evakýatsııalandy
ATYRAÝ. QazAqparat - Atyraý oblystyq aýrýhanasyndaǵy tútinge ulasqan tutaný saldarynan 109 naýqas qaýipsiz aýmaqqa kóshirildi, dep habarlaıdy «QazAqparat» HAA.
«Atyraý oblystyq densaýlyq saqtaý basqarmasy búgin Atyraý oblystyq aýrýhanasynyń konsýltatsııalyq-dıagnostıkalyq bóliginde órt shyqqanyn habarlady. Barlyq azamattar der kezinde evakýatsııalandy. Qurban bolǵandar men zardap shekkender joq. Qazirgi ýaqytta órttiń shyǵý saldaryn anyqtaý boıynsha tekserý júrgizilip jatyr», - dep málim etti oblystyq densaýlyq basqarmasynyń baspasóz qyzmeti.
Búgingi tańda Atyraý oblystyq aýrýhanasynda 320 naýqas em alyp jatyr.
109 adam qaýipsiz aýmaqqa kóshirildi. Barlyq emdelýshiler eski jáne orta korpýstarǵa aýystyryldy. Olar revmatologııa, ýrologııa, endokrınologııa jáne gınekologııa bólimshesindegi syrqattar.
