Atyraýda aýla komandalary arasynda strıtboldan saıystar ótedi
ATYRAÝ. QazAqparat Atyraýda 23-28 maýsym aralyǵynda strıtboldan 2002-2007 jyly týylǵan aýla jasóspirimderi arasynda qalalyq týrnır ótedi. Astananyń 20 jyldyǵyna arnalǵan «Atyrau Open» qalalyq týrnıri 1 aptaǵa sozylady, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Balalardyń bos ýaqytyn, jazǵy demalystaryn tıimdi ótkizip, osy sport túrin damytýǵa serpin berý maqsatynda jarystar maqsatty túrde uıymdastyrylady. Qalalyq týrnırge 11-16 jas aralyǵyndaǵy jasóspirimder qatysa alady», - dedi qalalyq dene shynyqtyrý jáne sport bóliminiń basshysy Rınat Ibragımov.
Birinshi kezeń 23 maýsym kúni Atyraý munaı jáne gaz ýnıversıtetiniń aýlasynda, ekinshi kezeń 25 maýsymda 17 orta mektepte, úshinshi kezeń 26 maýsym kúni 16 orta mektepterinde uıymdastyrylady. Jarystyń sońǵy kezeńi 28 maýsym kúni Munaıshy sport kesheninde ótedi.
Oblystyq sport basqarmasynyń baspasóz ortalyǵynyń habarlaýynsha, tórt kezeńnen iriktelip shyqqan qatysýshylar 1 shilde kúni «Baızar» saýda ortalyǵynyń aldynda synǵa túsedi. Al, eń úzdikteri 6 shilde kúni «Beıbarys» alańynda fınaldyq básekede jeńimpazdy anyqtaıtyn bolady. Jeńimpazdar men júldegerler qarjylaı syılyqqa ıe bolady. Aýqymdy jobany Atyraý qalalyq dene shynyqtyrý jáne sport bólimi men buqaralyq sportty damytý ortalyǵy uıymdastyryp otyr.
Aıta ketý kerek, budan buryn qalamyzda «Street WorkOut» saıystary ótkizilip, jastar arasynda úlken qyzyǵýshylyqqa ıe bolǵan bolatyn.
Jarysqa qatysý boıynsha ótinishter 87017485766, 87010520077 baılanys nómirleri arqyly qabyldanady.
