Atyraýda aýǵan áskerlerine eskertkish ashyldy (FOTO)
ATYRAÝ. QazAqparat - Atyraýdaǵy Jeńis saıabaǵynda Aýǵanstanda qaza tapqan nemese habar-osharsyz ketken sarbazdar men ofıtserlerdi máńgi este qaldyrý úshin eskertkish ornatyldy.
«Biz jarııalanbaǵan soǵysta qaza tapqan batyrlardy, sondaı-aq Tájikstan men Aýǵanstan shekarasynda jaýyngerlik is-qımylǵa qatysqan qazaqstandyq áskerlerdi umytýǵa haqymyz joq. 1979-1989 jyldar kezeńinde ınternatsıonaldyq boryshyn oryndaý kezinde kórsetken erligi úshin 86 ásker Keńes Odaǵynyń Batyry ataǵyna laıyq boldy. 2000-nan astam adam memlekettik nagradalarmen marapattaldy, onyń ishinde 45 ásker - Atyraý oblysynan», - dedi eskertkishtiń ashylý rásiminde Atyraý oblysy ákimi Baqytqoja Іzmuhambetov.
Granıt tasqa sol soǵysta qaza tapqan nemese habarsyz ketken atyraýlyq 29 ınternatsıolıst-jaýyngerlerdiń, sondaı-aq ishinde atyraýlyq jigitter bolǵan tájik-aýǵan shekarasynda qaza tapqan 43 qazaqstandyqtyń esimderi qashalyp jazyldy.
