Atyraýda áýejaıdan ushqan ushaqtan qara tútin shyqqan - maman
ATYRAÝ. QazAqparat – Atyraý halyqaralyq áýejaıynan ushqan AN-12 ushaǵynan qara tútin shyqqan, dep habarlaıdy QazAqparat.
Keshe áleýmettik jelide Atyraý halyqaralyq áýejaıynan ushqan áýe kemesiniń vıdeosy jarııalanǵan bolatyn. Onda ushaq artynan shyqqan qara tútindi baıqaýǵa bolady. Jergilikti áýejaıdyń ınjenerlik-avıatsııalyq qyzmetiniń bastyǵy Andreı Kımniń aıtýynsha, keshe tústen keıin áýejaıdan AN-12 júk ushaǵy ushqan.
«Ushý rejıminde otyn qospasy ádettegi baıyp ketedi. Sonyń saldarynan qoıý tútin paıda bolǵan. Bul – qalypty jaǵdaı, sovet dáýirinde shyǵarylǵan ushaqtyń barlyǵynda bar. Ushaq qalypty bıikke joǵarylaǵannan keıin, qara tútin joǵalady. Sondyqtan, alańdaýǵa esh sebep joq», - dedi Andreı Kım.
