Atyraýda aýdandyq ІІB bastyǵyn zańsyz ustaý faktisi boıynsha qylmystyq is qozǵaldy

"Qylmystyq is zańsyz ustaǵany úshin jazany kózdeıtin QR QK-niń 346-baby boıynsha qozǵaldy. Naqty tulǵalarǵa qatysty emes, ustaý faktisi týraly is qozǵaldy", - dep habarlady qaıtys bolǵan azamattyń otbasynyń advokaty Maqsut Túlenbaev.

Ólim faktisi týraly da qylmystyq is qozǵaldy. Birqatar saraptamalar taǵaıyndaldy. Bul isti tergeý arnaıy prokýrorǵa berildi. Budan buryn habarlanǵandaı, 21 sáýir kúni Altynbek Qubaıdollındi qarjy polıtsııasy 250 myń teńge jáne úsh keli qara ýyldyryqty (qara naryqtaǵy bul ýyldyryqtyń kelisniń quny qazir 200 myń teńge kóleminde) paraǵa alyp jatqan kezde qolǵa túsirgen. Tergeý barysynda kúdikti ózin jaısyz sezinip, artynsha aýrýhanaǵa jatqyzylady. Alaıda ol emdeý mekemesinen qashyp ketedi. Onyń múrdesin polıtseıler jeksenbi kúni qala ortalyǵyndaǵy qurylystardyń birinen tapqan. Aldyn ala boljam boıynsha ol asylyp ólgen.