Atyraýda aýdan ákiminiń orynbasary qamaýǵa alyndy
ATYRAÝ. QazAqparat - Tergeý sýdıasy Atyraý oblysy Maqat aýdany ákiminiń orynbasaryn qamaýǵa alýdy sanktsııalady, dep habarlaıdy «QazAqparat» HAA tilshisi.
«Maqat aýdandyq sotyna Sybaılas jemqorlyqqa qarsy is-qımyl ultyq bıýrosynyń Atyraý oblysy boıynsha departamentiniń tergeýshisinen Maqat aýdany ákiminiń orynbasary M.J-ǵa «qamaýǵa alý» túrindegi bultartpaý sharasyn qoldaný týraly ótinishhat tústi. Sotta M.J-ǵa qatysty QR QK 366-baby 3-bóligi 1,2-tarmaqtary boıynsha sotqa deıingi tergeý jumystarynyń bastalǵany anyqtaldy. Bul - jaýapty memlekettik qyzmettegi adamnyń jeke ózi nemese deldal arqyly para alýy», - dep jazylǵan Maqat aýdandyq sotynyń baspasóz habarlamasynda.
Sot tergeýshiniń ótinishhatyn qanaǵattandyryp, kúdiktini 2 aı merzimge qamaýda ustaýdy úkim etti. «Tergeý amaldary jalǵasýda», - dep habarlady baspasóz qyzmetinen.
