Atyraýda aýdan ákimi orynbasarynyń nege tutqyndalǵany belgili boldy
ATYRAÝ. QazAqparat - Atyraý oblysy Maqat aýdany ákiminiń orynbasarynyń jáne ákimdiktiń qurylys bólimi jetekshisiniń tutqyndalýyna qatysty istiń mán-jaıy aıqyndaldy, dep habarlaıdy QazAqparat.
«Memlekettik qyzmetshiler Maqat aýdany ákiminiń orynbasary Jaqsylyq Músepov pen aýdandyq qurylys bóliminiń jetekshisi Quralbek Adambaevqa QR QK-niń 266 baby, 3 tarmaǵy, 1 tarmaqshasy boıynsha, «Aldyn ala sybaılasqan toptyń para alýy» boıynsha qylmystyq is qozǵaldy. Olar merdiger uıym ókilderine qurylys nysandaryn eshqandaı kedergilersiz qabyldap, jalpy jumys barysynda «qamqorlyq» tanytýǵa ýáde bergen,-dep habarlady Sybaılas jemqorlyqqa qarsy is-qımyl ulttyq bıýrosynyń Atyraý oblysy departamentiniń baspasóz qyzmeti.
Aıta keteıik, 30 qańtarda Maqat aýdanynyń soty J.Músepovty 2 aı merzimge tutyndaýǵa sanktsııa berdi. Q.Adambaev tergeý aıaqtalǵansha, eshqaıda shyqpaıtyn bolady.
