Atyraýda aýa sapasyn kórsetetin LED-ekran ornatyldy

ATYRAÝ. QazAqparat – Atyraýda aýa sapasyn, qysymyn jáne temperatýrasyn kórsetetin LED-ekran ornatyldy, dep habarlaıdy QazAqparat óńirlik «ATYRAY» telearnasynyń saıtyna silteme jasap.

«LED ekranda aýanyń qanshalyqty lastanǵany, qorshaǵan ortaǵa bólinetin zııandy qaldyqtardyń mólsheri týraly aqparattar toptastyrylǵan. Aldaǵy ýaqytta dál osyndaı qurylǵylardy temirjol vokzaly mańyndaǵy móltekaýdandarǵa, áýejaı aýmaǵyna, D. Nurpeıisova kóshesine ornatamyz dep josparlap otyrmyz. Sebebi atalǵan jerler halyq kóp shoǵyralanatyn oryndar bolyp esepteledi. Negizgi maqsat – ekologııalyq monıtorıng boıynsha atqarylyp jatqan jumystardy halyqqa kórsetý», - dedi «Qazgıdromet» RMK AOF dırektorynyń orynbasary Joldasqalı Telagısov.

Óńirdiń ekologııalyq ahýalyn kórsetetin LED-ekrandar búginde Pavlodar, Petropavl, Aqtaý, Oral, Qostanaı jáne Almaty qalalarynda ornatylǵan. Budan bólek turǵyndar «AirKZ» mobıldik qosymshasy arqyly aýa raıy men ekologııalyq ahýal týraly málimetterdi kóre alady.