Atyraýda aýa qysymynyń aýytqýynan shaıbaly hokkeıden Qazaqstan chempıonaty ótpeı qaldy
ATYRAÝ. QazAqparat - Atmosferalyq qysymnyń aýytqýyna baılanysty shaıbaly hokkeıden Qazaqstan chempıonatynyń kezekti oıyndaryn Atyraýda emes basqa qalada ótkizý sheshildi.
Buǵan deıin habarlaǵanymyzdaı, aýa qysymynyń tym joǵarylaýynan jumadan beri «Boıng» jáne «Aerobýs» sııaqty alyp ushaqtardyń ushý ýaqyty keıinge shegerilgen edi. Onyń basty sebebi - atmosferalyq qysymnyń synap baǵanasynda 790 mm deıin kóterilgendigi. Osy sebeppen «Beıbarys» jergilikti komandasynyń hokkeıshileri jáne olardyń qarsylastary - Kókshetaýdyń «Arlan» komandasy Atyraýǵa jete almaǵan. QR Hokkeı federatsııasy «Beıbarys» pen «Arlan» kezdesýin basqa qalada ótkizýge sheshim qabyldady. Áýejaı qyzmetkerleriniń aıtýynsha, arktıkalyq antıtsıklonmen baılanysty mundaı tabıǵı qubylystar óńirde sońǵy ret shamamen 40 jyl buryn baıqalǵan. Kún raıyn boljaýshy mamandar aımaqtaǵy atmosferalyq qysymnyń shamadan tys kóterilýi 4 aqpanǵa deıin sozylady dep otyr.
