Atyraýda atysta bir adam mert bolyp, 2 adam jaraqat aldy
Oqıǵa búgin, 21 qazanda túnde Atyraý qalasynda bolǵan.
«Atyraý qalalyq polıtsııa basqarmasynyń 102 operatoryna saǵat 04:14 shamasynda oblystyq aýrýhanadan keýdesinde oq jaraqaty er adamnyń máıiti jetkizilgeni týraly habar tústi. Oq jaraqatynan mert bolǵan adamnyń jasy – 21-de. Sonymen qatar aýrýhanaǵa 18 jáne 19 jastaǵy eki adam oq jaraqatymen jetkizilgen. Olar oq bytyrasynan jaraqat alǵan. Qazir ekeýi de oblystyq aýrýhanada jatyr», -dep málim etti departamenttiń baspasóz qyzmeti.
Atys Atyraý-2 shaǵyn aýdanynda bir top jigittiń arasynda ózara kelispeýshilikten soń bolǵany anyqtaldy. Qaqtyǵysqa qatysqan barlyq adam anyqtalyp, QR Qylmystyq kodeksiniń 99-babynyń 2-bóligimen sotqa deıingi tergeý bastaldy.
Ózge aqparat QR Qylmystyq protsestik-kodeksiniń 201-babyna sáıkes jarııalaýǵa jatpaıdy.
Eske sala ketelik, budan buryn da byltyr Atyraýda atystan 3 adam mert bolyp, bireýi aýrýhanaǵa túskenin habarlaǵan bolatynbyz.
Keıin Atyraýda úsh adamdy atyp óltirip, taǵy bireýin jaraqattaǵan jigittiń isi sotqa jetkenin jazǵan edik.