Atyraýda «ATYRAU INVEST-2017» ınvestıtsııalyq forýmy ótedi
ASTANA. QazAqparat - 2017 jyldyń 11-12-shi sáýirinde Atyraý oblysynyń ákimdigi «ITECA» halyqaralyq kórme kompanııasy jáne «Atyraý munaı jáne gaz ınstıtýty» AQ-ymen birlesip «ATYRAU INVEST-2017» ІV-shi halyqaralyq ınvestıtsııalyq forýmyn ótkizedi, dep habarlaıdy QazAqparat.
Forýmǵa 500 qatysýshy keledi, olardyń qatarynda ortalyq jáne jergilikti memlekettik mekemeler, ulttyq kompanııalar men damý ınstıtýttarynyń, Qazaqstandaǵy dıplomatııalyq ókildikterdiń ókilderi men sheteldik jáne otandyq ınvestorlar shaqyrylǵan. Qatysýshylar Eýroodaq, Fınlıandııa, Italııa, Germanııa, Nıderland, Shveıtsarııa, Danııa, Túrkııa, Polsha, Horvatııa, Qytaı, Ýkraına, Ázerbaıjan, Izraıl, Oman sekildi 20 memleketten keledi.
Forýmnyń maqsaty - Atyraý oblysynyń ınvestıtsııalyq múmkindikterimen tanystyrý, oblys ekonomıkasyna jáne ınvestıtsııalardy naqty ınvestıtsııalyq jobalarǵa tartý.
«Global Oil&- Gas Atyrau 2017» Soltústik-Kaspıı aımaqtyq kórmesi aıasynda 11-13 sáýir aralyǵynda Kórmeler ortalyǵynda Atyraý oblysynyń ınvestıtsııalyq jobalarynyń kórmesi ótedi.
Atyraý oblysy birneshe jyl qatarynan elimizdegi óńirler arasynda ishki jáne syrtqy ınvestıtsııa tartý salasynda aldyńǵy qatarda keledi.
2016 jyldyń qorytyndysy boıynsha ınvestıtsııalar kólemi 2 trln teńgeden asty jáne bul kórsetkish elimizge ákelingen jalpy ınvestıtsıalardyń 25% paıyzynan asyp ketedi .
