Atyraýda asyl tuqymdy sıyrlardyń jappaı qyrylý sebepterin tergeý jalǵasýda
ATYRAÝ. QazAqparat - Atyraýda gollandııalyq golshtın-frız tuqymdy sıyrlardyń jappaı qyrylý sebepterin tergeý jumystary jalǵasyp jatyr, dep habarlaıdy «QazAqparat» tilshisi.
«Mahambet aýdanynyń «Pervomaıskıı» JShS-da iri qara maldyń 1067 basy bolǵan. Sonyń ishinde 178-i aýyryp, bir bóligi qyryldy, taǵy bir bóligi soıyldy. Alynǵan bıologııalyq materıaldar respýblıkalyq veterınarlyq zerthanalarǵa jiberildi.
Qoradaǵy barlyq maldy emdep jatyr. Statıstıkalyq málimetterge sáıkes, búginde oblysta iri qaranyń 177 156 basy, 81 671 jylqy, 32 968 túıe, 480 shoshqa jáne 575 480 úı qusy bar.
Respýblıka qorynan mal aýrýynyń 8 túri men mal aýrýynyń asa qaýipti túrlerin anyqtaý úshin jáne 2 túrli dıagnostıkým júrgizý úshin 162 761 784, 8 teńge bólingen. Búginde josparlanǵan jumystardyń 90,8 paıyzy atqaryldy», - dep habarlady Veterınarııa basqarmasynyń veterınarlyq qaýipsizdik jáne taldaý bóliminiń basshysy Eleonora Dáýitbaeva.
