Atyraýda áskerıler men eriktiler Memlekettik týdy ustap, sherý qurdy

ATYRAÝ. QazAqparat – Atyraýda memlekettik rámizder kúnine oraı týtuǵyr alańynda arnaıy is-shara uıymdastyryldy. Áskerıler men volonterler kók Týdy ustap, Beıbarys alańynan Memlekettik rámizder alańyna deıin sherý qurdy. Áskerı qaraýyl Memlekettik týdy týtuǵyrǵa kóterip, Ánuran oryndaldy, dep habarlaıdy QazAqparat tilshisi.

«Memlekettik rámizder – sonaý yqylym zamandardan syr sherter taǵylymdy tarıhymyzdyń shynaıy kórinisi, egemendigimizdi aıqyndaıtyn, el erteńine degen berik senimdi uıalatatyn qasıetti nyshannyń biri. Halqymyzdyń rýhyn, ulttyq salt-sanasyn, qaharmandyǵy men danalyǵyn, bolashaqqa degen úmitin, arman-tilegin pash etetin, ortaq maqsatqa toptastyryp, biriktirýshi kúshke ıe memlekettik rəmizderdi kózimizdiń qarashyǵyndaı saqtap, qasterleı bileıik! Kók týymyz bıikte jelbirep, Ənuranymyz asqaqtaı bersin!» - dedi oblys ákimi Serik Shápkenov.

Memlekettik rámizderdiń 30 jyldyǵyna arnalǵan is-sharaǵa Qarýly kúshter men Ulttyq ulan áskerıleri, etnomádenı birlestikterdiń ókilderi jáne mektep oqýshylary qatysty. Jergilikti ónerpazdar patrıottyq ánderdi shyrqady.

Eske sala ketelik, budan buryn Atyraýda bıiktigi 91 metrlik týtuǵyr ornatylǵanyn habarlaǵan edik.