Atyraýda áskerden sarbazdy kútkender júrip kele jatqan poıyzǵa jarmasqan

ATYRAÝ. QazAqparat – Atyraý oblysynda áskerden sarbazdy kútip alýǵa jınalǵandar qozǵalys ústindegi poıyzben jarysa júgirgen, dep habarlaıdy QazAqparat.

Áleýmettik jelide taraǵan vıdeoǵa qaraǵanda, bul oqıǵa 4 shildede Qyzylqoǵa aýdanyndaǵy Saǵyz stansasynda bolǵan.

Saǵyz stansasyndaǵy jelilik polıtsııa bóliminiń bastyǵy Bolatbek Іńirbaıdyń málimetinshe, jergilikti jastar áskerden oralǵan sarbazdy kútip alýǵa jınalǵan.

«Poıyzben jarysa júgirgen jastar aýdan ortalyǵynan, ózge eldi mekender men okrýgtegi 3 aýyldan kelgen. Olar poıyz toqtaǵansha shydamsyzdyq tanytqan» - deıdi Bolatbek Іńirbaı.

Onyń aıtýynsha, Saǵyz aýylynyń 18-19 jastaǵy eki turǵyny vagon esiginiń basqyshyna minip alǵan. Olarǵa qatysty QR Ákimshilik quqyqbuzýshylyq týraly kodekstiń 560-babymen (Temirjol kóligi quraldaryn paıdalaný qaǵıdalaryn buzý) ákimshilik hattama toltyrylyp, 5 aılyq eseptik kórsetkish (14 585 teńge) kóleminde aıyppul salyndy.

Eske sala keteıik, buǵan deıin Atyraý oblysynda áskerden dosyn kútip alǵan taǵy bir jastarǵa jol qozǵalysy erejesine qaıshy áreketteri úshin aıyppul salynǵan bolatyn.